На 6. Октомври 2017 г. (петок), во хотел „Романтик“ – Велес, се одржа третата и последна Регионална средба со кандидат(к)и за градоначалници и носител(к)и на советнички листи за Вардарскиот регион, во организација на Националната мрежа против насилство врз жени и семејно насилство и Здружението на еднородителски семејства „Една Може“.
Целта на средбата беше претставување на потребата од преземање на конкретни мерки на локално ниво и обезбедување на средства од локалната самоуправа за унапредување на пристапот до сервиси за жените и децата жртви на насилство. За таа цел, беше подготвена Јавна заложба за Унапредување на заштитата на жените и децата жртви на различни форми на насилство, вклучително и семејно насилство, која кандидат(к)ите за градоначалници беа поканети да ја потпишат, како значаен чекор кон унапредување на системската заштита на жените и девојчињата од сите видови насилство.
Јавната заложба за унапредување на сервисите на поддршка за жените и децата жртви на насилство ја потпишаа 14 кандидати и кандидатки (од вкупно 25) од Вардарскиот регион:
- Аце Коцевски (Коалиција предводена од СДСМ) – Општина Велес
- Славчо Чадиев (Коалиција предводена од ВМРО-ДПМНЕ) – Општина Велес
- Жанета Чаушевска (Коалиција предводена од ВМРО-ДПМНЕ) – Општина Градско
- Роберт Бешовски (Коалиција предводена од СДСМ) – Општина Градско
- Трајче Димитриев (Коалиција предводена од ВМРО-ДПМНЕ) – Општина Демир Капија
- Лазар Петров (Коалиција предводена од СДСМ) – Општина Демир Капија
- Јордан Илиевски (Коалиција предводена ВМРО-ДПМНЕ) – Општина Лозово
- Ацо Велковски (Коалиција предводена од СДСМ) – Општина Лозово
- Тони Делков (Коалиција предводена од СДСМ) – Општина Неготино
- Златко Пенков (Коалиција предводена од ВМРО-ДПМНЕ) – Општина Неготино
- Бранко Јанев (Коалиција предводена од СДСМ) – Општина Росоман
- Стојанче Лазов (Коалиција предводена од ВМРО-ДПМНЕ) – Општина Росоман
- Сашо Велковски (Коалиција предводена од СДСМ) – Општина Свети Николе
- Зоран Здравевски (Коалиција предводена од ВМРО-ДПМНЕ) – Општина Чашка
Пред средбата, на сите кандидат(к)и им беше испратено Јавно барање и Предлог политика за воспоставување на пакет на специјализирани сервиси во рамки на еден плански регион. За одржувањето на Регионалната средба и потпишувањето на Јавната заложба беа известени сите кандидат(к)и за градоначалници и носител(к)и на советнички листи, преку медиумите, по електронски пат и преку нивните политички партии.
Јавна заложба на македонски и албански.
