Обука за врснички едукатори „Важноста на младинскиот активизам во превенција на родово базираното насилство“

Од 25.06.2013 до 27.06.2013 во Куќа на Уметноста – Кичево се одржа тродневен тренинг за млади на тема ‘’Важноста на младинскиот активизам во превенција на родово базирано насилство ‘. На тренингот беа поканети 14 млади, средношколци од Велес, Радовиш и Куманово, и студенти од институтите за родови студии, психологија, социјална работа и политика и дефектологија. Учесниците на тренингот веќе беа запознаени со проблемот на родово базираното насилство преку едукативните работилници кои беа организирани во повеќе од 15 средни училишта и факултети во пет града во државата.

Со програмата опфатена со тренингот младите се стекнаа со теоретски знаења од областа на насилство врз жените вклучувајќи го и семејното насилство и последиците од овие две негативни појави, насилни партнерски врски, дискриминација и родови предрасуди и нивните ефекти, како и начини за развивање и планирање на идеи за иницијативи за подигнување на свеста за препознавање на различните облици на насилство врз жените.

Основната идеја за организирање на тренингот е да придонесе кон активирање на младите во борбата против насилството врз жените преку унапредување на нивните знаења на тема насилство врз жените, како и создавање на родово сензитивна младина која е основа за создавање општество со нулта толеранција за насилството врз жените, како и подигање на општата свест во насока на намалување и исчезнување на овој феномен во иднината.

Оваа активност е во рамки на проектот „Застапување за унапредување на политиките/ стратегиите за спречување на сите облици на насилство врз жените“ поддржан од локалната канцеларија на UNWOMEN во Скопје.

Share on facebook
Facebook
Share on twitter
Twitter
Share on linkedin
LinkedIn

Останати новости

Реакција: Платформата за родова еднаквост најостро го осудува говорот на омраза во предизборниот период

Пред почетокот на предизборната кампања за претстојните парламентарни и претседателски избори, Платформата за родова еднаквост ги повикува и партиите и нивните приврзаници да покажат демократски

Реакција: Личното и интимното е загрозено преку дигиталното родово-базираното насилство кое станува сè поопасно!

Злоупотребата и нарушувањето на личниот, интимен простор станува сè поизразено преку дигиталното родово-базирано насилство. Изразуваме особена загриженост и остро реагираме на последните родово-базирани напади во