На 18.07.2018, во работните простории на Јавна соба, се одржа работна средба со професионалците од областа на социјалната заштита, кои работат во општините на Скопскиот плански регион и тимот на Националната мрежа. Со оваа работна средба се продолжи процесот на соработка помеѓу Националната мрежа и локалната самоуправа за воспоставување на советувалишни центри за психо-социјална помош и поддршка за жени и деца жртви на семејно насилство во Скопје.
Градоначалниците во предизборниот период, со потпишување на Јавната заложба за унапредување на заштитата на жените и децата жртви на различни форми на насилство, вклучително и семејно насилство на локално ниво, се заложија да одвојат дел од локалните буџети за унапредување/воспоставување на сервиси за жртвите на насилство.
Покрај претставниците од кабинетот на градоначалникот на Град Скопје, учество земаа и професионалците од областа на социјалната заштита од следниве општини: Општина Аеродром, Општина Ѓорче Петров, Општина Карпош, Општина Центар, Општина Кисела Вода, Општина Бутел, Општина Гази Баба и Општина Чаир.