Националната мрежа против насилство врз жени и семејно насилство има потреба од вработување на двајца/две Асистенти/ки во извршната канцеларија за период од 01.07.2017 до 31.12.2017 година со можност за продолжување и во 2018 година.
Асистентите/ките се одговорни за целокупното работење на извршната канцеларија, односно следење и директно вклучување во имплементацијата на проектните активности, како и промоција на мрежата пред пошироката јавност. Позициите предвидуваат ангаржман со полно работно време.
Главни задачи и одговорности
• Учество во подготовката на апликациии за предлог проекти;
• Учество во имплементација на проектни активности;
• Учество во изготвување на наративни извештаи до донаторите;
• Одржување комуникација со донаторите и информирање за тековната имплементација на проектните активности;
• Комуникација и координација со организациите членки на Мрежата;
• Логистичка поддршка на секојдневната работа во канцеларијата;
• Подготвување нацрт соопштенија за јавност;
• Одржување контакти со медиуми (и раководење со профилите на социјални медиуми) и видливост на активностите на мрежата;
• Подготвување на студии на случај;
• Учество во подготовка на протестни писма и реакции;
• Дополнување на нови содржини на веб страната и FB профилот на мрежата
• Тековни непредвидени обврски
Потребни квалификации
• Високо образование од областа на општествените науки;
• Најмалку пет години работно искуство во областа на женски права и родова рамноправост;
• Одлично познавање на устен и пишан работен англиски јазик;
• Компјутерски вештини;
• Напредни организациски и комуникциски вештини;
• Силно развиени вештини за лобирање и застапување.
Како предност ќе се смета:
• Искуство во областа на насилство врз жени и семејно насилство;
• Работно искуство во областа на спроведување на проекти во граѓански организации;
Рок и потребни документи за аплицирање:
Заинтересираните кандидати/ки за работната позиција потребно е да достават кратка биографија (CV) на македонски јазик и мотивационо писмо. Апликациите се доставуваат на следната електронска адреса: coordinator@glasprotivnasilstvo.org.mk најдоцна до 19-ти јуни 2017 (понеделник).
Напомена: Само апликациите кои ќе влезат во потесен круг ќе бидат контактирани.