На 4. Октомври 2017 г. (среда), во хотел „Холидеј ин“ – Скопје, се одржа Регионална средба со кандидат(к)и за градоначалници и носител(к)и на советнички листи за Скопскиот регион, во организација на Националната мрежа против насилство врз жени и семејно насилство и Здружението на еднородителски семејства „Една Може“.
Целта на средбата беше претставување на потребата од преземање на конкретни мерки на локално ниво и обезбедување на средства од локалната самоуправа за унапредување на пристапот до сервиси за жените и децата жртви на насилство. За таа цел, беше подготвена Јавна заложба за Унапредување на заштитата на жените и децата жртви на различни форми на насилство, вклучително и семејно насилство, која кандидат(к)ите за градоначалници беа поканети да ја потпишат, како значаен чекор кон унапредување на системската заштита на жените и девојчињата од сите видови насилство.
Од вкупно 62 кандидати и кандидатки во 18 општини Јавна заложба за унапредување на заштитата на жените и децата жртви на насилство беше потпишана од 21 кандидат/ка за градоначалник во Скопски регион.
Кандидати за градоначалници кои ја потпишаа Јавната заложба во Скопски регион:
- Марија Јонес (Левица) – Град Скопје
- Нафие Селмани (БЕСА) – Град Скопје
- Коце Трајановски (Коалиција предводена од ВМРО-ДПМНЕ) – Град Скопје
- Петре Шилегов (Коалиција предводена од СДСМ) – Град Скопје
- Златко Марин (Коалиција предводена од СДСМ) – Општина Аеродром
- Ивица Коневски (Коалиција предводена од ВМРО-ДПМНЕ) – Општина Аеродром
- Велимир Смилевски (Коалиција предводена од СДСМ) – Општина Бутел
- Борис Георгиевски (Коалиција предводена од СДСМ) – Општина Гази Баба
- Тони Трајковски (Коалиција предводена од ВМРО-ДПМНЕ) – Општина Гази Баба
- Александар Наумоски (Коалиција предводена од СДСМ) – Општина Ѓорче Петров
- Александар Маневски (Коалиција предводена од СДСМ) – Општина Зелениково
- Мартина Ивковска (Коалиција предводена од СДСМ) – Општина Илинден
- Јохан Тарчуловски (Коалиција предводена од ВМРО-ДПМНЕ) – Општина Кисела Вода
- Филип Темелковски (Коалиција предводена од СДСМ) – Општина Кисела Вода
- Борче Митевски (Коалиција предводена од ВМРО-ДПМНЕ) – Општина Петровец
- Стефче Трпковски (Коалиција предводена од ВМРО-ДПМНЕ) – Општина Сопиште
- Нермин Теловска (Коалиција предводена од ВМРО ДПМНЕ) – Општина Чаир
- Александар Митров (Левица) – Општина Центар
- Дејан Јовановски (Коалиција предводена од ВМРО-ДПМНЕ) – Општина Центар
- Саша Богдановиќ (Коалиција предводена од СДСМ) – Општина Центар
- Курто Дудуш (Коалиција предводена од СДСМ) – Општина Шуто Оризари
Ниту еден од кандидатите за градоначалници од општините: Арачиново, Карпош, Сарај, Студеничани и Чучер Сандево не ја потпиша Јавната заложба.
Пред средбата, на сите кандидат(к)и им беше испратено Јавно барање и Предлог политика за воспоставување на пакет на специјализирани сервиси во рамки на еден плански регион. За одржувањето на Регионалната средба и потпишувањето на Јавната заложба беа известени сите кандидат(к)и за градоначалници и носител(к)и на советнички листи, преку медиумите, по електронски пат и преку нивните политички партии.
Јавна заложба на македонски и албански.